現實上，一般呀媽都唔掉你落街ge（我諗）
而期待已久的新年終於到啦！先祝大家身體健康。
係咖喱的回憶當中，新年除了為我帶來利是外，就是肚仔痛。
因為實在太多野食，又無注意保暖，所以有幾次我都瀨野。
咖喱是每年都有一次上吐下瀉先安樂的人orz
包括感冒菌入腸、腸胃炎和濕熱引起的。
所以應付呢種事，我可謂經驗十足（雖然每次都係咁辛苦）
今日就以小弟的經驗和愚見，分享一下肚屙後可以食咩野。
先說明，這還是要看你下瀉的原因，如身体不適應先看醫生，以下只屬個人經驗。
1）蕃薯粉
“蕃薯粉 (Sweet Potato Starch) 一般蕃薯粉呈顆粒狀，有粗粒和細粒兩種，
通常家中購買以粗粒蕃薯粉為佳。蕃薯粉融於水中後加熱會呈現黏稠狀，
而蕃薯粉的黏度比生粉高。”（quoted
from yahoo knowledge）
有一年我訓醒起身又唔舒服，我就知來了！
但今次媽媽就煮左薯粉糊仔我食，食完真係好左少少。
我媽話係佢鄉下的肚屙應對食品LOL
煮法：蕃薯粉兩匙，用少少室溫水沖開左佢，再用一碗多熱水煮做糊仔（不能太X，否則難以入口）
雖然網上都沒有薯粉這方面的資料，更沒文獻支持，也許和蕃薯的功能差不多？
我吃後會減少屙水，慢慢會變回正常的便便。
其實如下瀉時，身体無力，又吃不到其他東西時，這個倒可以補充一下能力。
如覺得難以入口，可加入蜜糖之類調味。
2）自家製肉餅飯
如果稍稍好了一點，其實應食飯類來補充体力。
而正正咖喱每次都搞到手軟腳軟，呢種感覺比屙的時候更折磨！
為何我會吃肉餅，我也不知道耶，也是媽煮什麼我別什麼啦。
當然肉餅不會有難消化的東西和肥豬肉，而且是家人自家“啄”的肉餅。補充体力，又不會寡。
3）蘋果+西蘭花
基本上醫生會跟你說不要食生冷野，生果大概也屬於生冷一類。
所以我會在狀況好一點才會食，仲要係係咁食個隻，早午晚都食。
因為個幾日個口都淡貿貿，終於有D甜味的野入口，心情都好D啦。
在這裡我要跟大家上一節課，有時我地少食菜的話，腸道減少蠕動，都一樣會肚痛。
呢個時候，蘋果+西蘭花絕對係你的好朋友。
西蘭花含大量食用纖維，在一般蔬菜中算含量的最高。
但只係食菜係唔夠的，根據我的中7 BIO知識，光吃纖維一樣有機會便秘。
而我們需要的是蘋果，蘋果含有果膠，果膠加纖維才是正常通便的組合。所以大家要多吃！
附加小知識
好多現成中藥例如咩咩丸、咩咩散，都係會減慢你的腸道蠕動，令你減少肚屙。
如果你以為自已冷親而肚屙，而實則係消化不良。
但你又食左呢種藥，只會令你更辛苦。就算之後再食西藥，療程都會慢D。
大家記得要小心身體
更要孝愛一下媽媽，無左佢我病左都唔點好LOL
新一年祝大家心想事成！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝
鐘意咖喱的朋友請like小弟的facebook fanpage
會不時upload fanpage 限定的漫畫和新動向
留言列表
