(答案:熊走(紅酒)) "有密集恐懼的對不起喔XD"
相傳以前的人係用大補酒黎護膚(講笑)
紅酒係由葡萄釀造而成就係人都知啦!
而紅酒刖含有多酚.綠茶都含有呢種成份,
係強力的抗氧化成份。
話明可以抗氧化,當然對皮膚都有一大好處。
城市人生活壓力大,可能增加產生自由基(細胞做呼吸作用時產生)
過量自由基會加速皮膚老化,對付自由基當然內服抗氧化物質(維C,E...)
如果護膚品都可以抗氧化就更相得溢彰。
所以主打紅酒成份的護膚品都幾受歡迎,日記面膜好似都幾多人用。
而今次介紹呢款係誠意推薦,因為真係價廉物美。
今次同大家品味紅酒:P
Innisfree 係韓國brand,主打天然護膚品(雖然呢隻的成份都幾複雜)
佢好多產品都好正好有效果(sheet mask 好多都好用)
好啦,講返紅酒系列先,佢有幾樣產品(peeling,sheet mask,sleeping mask)
我就推介peeling 同sleeping mask。
(1)Wine peeling jelly softer
個packing真係成支red wine咁
但得個樣(包裝),呢個設計完全唔方便倒d gel出黎
不過個gel就真係有料嘅
個texture唔係真係透明的啫喱,係比較流質的半乳白色gel。
所以比起好挺身個種啫喱更易推開全面,成份亦更易被吸收。
個氣味係有少少提子味,唔算濃烈。
用上去大概要按摩三十多秒先有少少"擦子膠碎"出現,
唔似其他一按上去就勁多,而且按極都介有。
呢款大概按分半鐘到就可以(視乎自己狀況)
整體呢一隻係比較mild,好處係適量peeling,
唔會一下子去走太多角質以致皮膚變得薄弱。
生物學成日听到為方便運輸substrate,tissue之間的距離都會較短。
基本上peeling適可而止係可以令打後的skin care吸引更好,
過量就不要了,會削弱皮膚自我保護能力如保水和防UV
(所以一星期用一次就可以了)
而且要注意力度,太大力只會按到更多"非多餘"的角質。
用後皮膚亮度有提升,我相信護膚品都被吸收得更好。
購買度:★★★☆☆
---------------------------------------------------------------------------
(2)Wine jelly sleeping mask
先看看texture,大家見到表面係好平滑
實際上佢係膏狀(唔係軟膏),你撩起少少黎用後,
第2日你會發現入邊的mask會平返。
意思係佢會自己condense(是這樣說嗎lol)
一般sleeping mask呈gel/cream狀,兩下子就被吸收晒,
其實冠上sleeping mask之名並不適合。
相反呢一款就真係令你全晚都敷緊mask,
剛才說盒內的mask會自己走在一起,最後mask的表面變得光滑,
這個情況用在皮膚上一樣會發生。
第二天起床依然會發覺明顯的"膜"依附在面上(也就是上圖推開後的狀態),
洗面後的水都呈點乳白色。
證明這個能整晚提供營養給皮膚,這才算是sleeping mask呀。
持續用皮膚亮度會提升,能加強美白,至於去黃的效果還挺明顯的。
而且膚質同樣有改善,有人說可以收暗粒,這個就因人而異。
但不能每天用或使用次數太頻繁,因為它的成份含量較濃,
太經常用影響皮膚會吸收護膚品,亦有機會長豆豆。
購買度:★★★★☆
效果不錯而已都是一百元左右的價錢,
想買sleeping mask可大大考慮這個,
為受壓皮膚打打氣。
寫到這裡,多謝收看。
鐘意咖喱的朋友請like小弟的facebook fanpage
會不時upload fanpage 限定的漫畫和新動向
https://www.facebook.com/pages/咖喱張/424887427524383
全站熱搜
留言列表